po

1. s m

   Masa de partículas de terra seca ou doutros materiais, tan diminutas, que poden ser levantadas e transportadas polo vento.

   Sinónimos: voaxa.
2. 1. s m

      Substancia sólida reducida a partículas moi finas.

      Ex: Compraron chocolate en po.

   2. s m pl [IND]

      Produto cosmético de material reducido a finas partículas que se aplica, especialmente sobre a cute, como enfeite.

   3. s m pl [MED]

      Forma farmacéutica que se obtén pola división repetida de drogas ou produtos químicos, sólidos e secos ata chegar a partículas de pequenas dimensións, variables, pero homoxéneas. Clasifícanse de acordo co número da peneira máis fina pola que pasan sen deixar residuo apreciable ningún. Cando a medida das partículas máis grosas é inferior a 20 ì dise que os pos están micronizados.

   4. po cósmico/interestelar [ASTRON]

      Po formado por pequenas partículas sólidas (0,00005 cm de diámetro) presentes nas nebulosas escuras das galaxias. Este material é o responsable do escurecemento e o avermellamento interestelar da luz que provén das estrelas. Ten unha densidade e unha temperatura (20K) moi baixas.

   5. po de anxo [QUÍM]

      Denominación coa que se designa, nun rexistro coloquial, a droga fenciclidina.

Frases feitas

• Sacudirlle o po a alguén. Darlle unha malleira a alguén.