Pontano, Giovanni

Político e humanista italiano. En 1448 foi chamado a Nápoles por Afonso V de Aragón o Magnánimo. Protexido por Antonio Beccadelli Panormita, á morte deste presidiu a súa academia que adoptou o nome definitivo de Accademia Pontaniana. Secretario real de Fernando I e de Afonso II (1494), púxose ao servizo de Carlos VIII cando entrou en Nápoles. Á retirada dos franceses, caeu en desgraza e non recuperou o cargo. A súa obra está escrita en latín e dela destacan os tratados astrolóxicos e filosóficos, diálogos ou poemas, como Lepidina, os tres libros de elexías De amore coniugali e as doce Naeniae.

Cronoloxía