por

1. poñer.

2. prep

   Indica lugar onde ou a través do que.

   Ex: Foi pola beiravía. Sobe pola escaleira.

3. prep

   Expresa tempo pouco preciso ou indeterminado.

   Ex: Visitounos polo mes de marzo.

4. prep

   Indica duración.

   Ex: Marchou por un ano.

5. prep

   Indica repartición ou distribución.

   Ex: Foron pasando un por un.

6. prep

   Indica causa ou motivo.

   Ex: Non te chamaron por mal amigo.

7. prep

   Indica finalidade.

   Ex: Vai á tenda por leite.

8. prep

   Expresa prezo ou valor.

   Ex: Vendeuno por poucos cartos.

9. prep

   En beneficio de, en proveito de.

   Ex: Vaino facer polos fillos.

10. prep

    Expresa medio de transporte ou de transmisión.

    Ex: Mandouno por correo urxente.

11. prep

    Relaciona os factores dunha multiplicación.

    Ex: Cinco por tres son quince.

12. prep

    Introduce o complemento dalgúns verbos.

    Ex: Ide por el e volvede axiña.

13. prep

    Expresa o complemento axente nas oracións pasivas.

    Ex: O caso é sabido por todos nós.

14. prep

    Pregunta a causa ou motivo de algo, seguido do pronome interrogativo que.

    Ex: Por que me chamas?

15. prep

    Indica que algo non se realizou, ante infinitivo.

    Ex: Todo está por facer.

16. prep

    Indica modo ou maneira en que se realiza algo.

    Ex: Faino polas boas.

17. prep

    Indica substitución ou equivalencia.

    Ex: Cóntallo por min. OBS: Contrae coa segunda forma do artigo determinado dando lugar ás formas polo, pola, polos, polas.

Frases feitas

• Por moito que loc conx Introduce unha oración que expresa unha dificultade que obstaculiza, pero non impide, o cumprimento indicado na outra. Ex: Por moito que insistas, non cho vou dicir.

• Por/Polo tanto loc conx Indica consecuencia. Ex: Non quixeches vir comigo, polo tanto non tes agasallo.