posesivo -va

Que denota posesión.

Que ten un desexo excesivo de posesión ou control sobre alguén.

Clase de palabras que expresa unha relación de posesión, de dependencia ou de pertenza. Caracterízase semanticamente por facer referencia á persoa á que pertence ou que posúe un determinado obxecto. Teñen unha referencia dobre: refírense ao obxecto posuído, e con el concertan en xénero e número; e relaciónanse co posuidor, do que non se indica o xénero pero si o número, a través dunha modificación do radical. Fronte a outras linguas románicas, como o francés e o castelán, o galego presenta un paradigma único para determinantes e núcleos (a miña escultura; a miña).