posible

1. adx

   1. Que pode ocorrer.

      Ex: É posible que chova.

      Sinónimos: factible, posíbel.

   2. Que se pode realizar.

      Ex: Comunicáronlle que era posible recuperar os documentos.

      Sinónimos: posíbel.
2. s m pl

   Bens, rendas, medios de vida, que se posúen.

   Ex: Non teño posibles para ir de vacacións.

   Sinónimos: posíbel.

Frases feitas

• Facer (todo) o posible. Esforzarse moito para conseguir algo.

• Será posible? Expresión que amosa incredulidade por algo.