² pota

Molusco cefalópodo, da orde dos decápodos, que se caracteriza por ter corpo alongado e medir aproximadamente 20 cm. De cor parda clara, ten un aspecto similar á lura, aínda que a carne, comestible, é de peor calidade. É unha especie nerítica, que se pode localizar ata os 1.000 m de profundidade. OBS: Tamén se denomina pota voadora.

Molusco cefalópodo dibranquio, da orde dos decápodos, co corpo alongado, de ata 40 cm, cilíndrico, de cor branca ou transparente, con dúas aletas triangulares laterais, soldadas ao ápice do corpo, oito brazos e dous tentáculos. É unha especie peláxica e vive tanto na superficie como en fondos de area, frecuente tanto no Mediterráneo como no Atlántico. É comestible, pero a carne é de peor calidade ca a da lura.