protactinio

Elemento radioactivo da familia dos actínidos, de número atómico 91, que ata 1949 recibiu o nome de protoactinio. Coñécense quince isótopos, dos que só dous ²³¹Pa e ²³⁴Pa son naturais. O ²³¹Pa ten unha vida media de 3,25x10⁴anos, é o precursor do actinio na serie (4n+3)


FORMULA
e é o máis importante desde o punto de vista químico. O primeiro isótopo coñecido foi o ²³⁴Pa (Fajans e Göhring, 1913), e o ²³¹Pa foi illado da pechblenda en 1918 por Hahn-Meitner e Soddy-Crauston independentemente. O ²³¹Pa localízase nos minerais de uranio en equilibrio radioactivo,e nel hai 340 mg por tonelada de uranio. Obtense industrialmente dos residuos de purificación de uranio, dos que se separa por cromatografía de intercambio iónico e extracción con disolventes. Desde o punto de vista práctico, o isótopo máis importante é o ²³³Pa, producido artificialmente por bombardeo con neutróns do ²³²Th, cunha vida media de 27,4 días e conduce, mediante emisión â, ao uranio-233, físil. As propiedades nucleares e a vida media deste isótopo son óptimas para o seu uso como trazador no estudo das propiedades do elemento.