Pedro I o Cruel ou o Xusticeiro

Rei de Castela e León (1350-1369), fillo de Afonso XI e de María de Portugal. Durante o seu reinado tivo que facer fronte ás consecuencias socioeconómicas da Peste Negra. Aliado coa pequena nobreza, os xudeus e as cidades e vilas, venceu a aristocracia (1353), aínda que non a destruíu. O duelo nobreza-monarquía rebrotou a raíz da Guerra dos Dous Pedros entre Castela e Aragón (1356-1369) na que se enfrontou a Pedro IV de Aragón o Cerimonioso, que se unira a Enrique de Trastámara, fillo bastardo de Afonso XI que pretendía a coroa de Castela. Axudado polos ingleses, venceu a Enrique de Trastámara en Nájera (1367), pero perdeu o apoio inglés e foi derrotado e asasinado en Montiel (1369), feito que produciu a entronización no trono de Castela de Enrique de Trastámara (Enrique II de Castela).

Cronoloxía