Radio Galega

Cadea pública de emisoras radiofónicas de ámbito rexional e contidos xeneralistas que comezou a emitir regularmente para toda Galicia e en lingua galega a partir do 29 de marzo de 1985. Inserida na Compañía de Radio-Televisión de Galicia, conta con seis emisores e 26 reemisores, cobre todo o territorio da Comunidade Autónoma e mantén un Servizo de Radio Exterior que emite programación en galego en nove países desde outubro de 1992.