Ragusa

Capital da provincia homónima, na illa de Sicilia, Italia, situada ao SL da illa (68.346 h [2001]). A parte vella (Ragusa Inferior) está situada no lugar onde antigamente existiu un castelo bizantino. Tras o terremoto de 1693 foi construída nun altiplano situado a máis altitude, a Ragusa Superior. Na cidade vella consérvase o portal da igrexa de San Giorgio Vecchio e na nova cidade consérvanse monumentos barrocos.