Rāwalpindi

Cidade do estado de Punjab, Paquistán (1.406.214 h [1998]). Situada ao pé do Himalaia, é unha importante cidade militar. Ademais dunha refinaría de petróleo, desenvolveu diversas industrias téxtiles, alimentarias, siderúrxicas, mecánicas e químicas. Destruída por unha invasión dos mongois (s XVI) e ocupada por unha rama dos sikhs (1765), estes retiráronse do lugar tras a Batalla de Gujarāt (1849).