Redecilla del Camino

Municipio da provincia de Burgos, Castela e León, situado á beira do Camiño Francés de peregrinación a Santiago (148 h [2001]). Coñecido como Redecilla de Francos, é a primeira poboación castelá do camiño. Urbanis- ticamente presenta a estrutura lineal característica das poboacións do camiño. Contou cun hospital de peregrinos dedicado a san Lázaro, e na igrexa da Virgen de la Calle (ss XVII-XVIII) consérvase unha pía bautismal románica.