Requiás, Santiago de
Requiás, Santiago de
Igrexa parroquial situada en Muíños. Ten planta rectangular co presbiterio sinalado en altura. No interior conserva o retablo do altar maior e o do Santo Cristo. O edificio destaca sobre todo pola decoración da súa fachada, enmarcada por pilastras rematadas en cornixas sobre as que se sitúan os pináculos. Remata con espadana de corpos decrecentes e pináculos.