reunión

1. s f

   Acción e efecto de reunir ou de reunirse.

2. 1. s f

      Conxunto de persoas reunidas.

      Sinónimos: xuntanza.
   2. dereito de reunión [DER]

      Dereito de reunirse as persoas nun mesmo lugar de común acordo coa finalidade de asistir a un acontecemento, de discutir temas de interese ou de conversar. Dereito fundamental e irrenunciable de todo cidadán, foi incluído na Declaración Universal dos Dereitos Humanos. Durante o Franquismo era considerado un delito contra a seguridade do estado. A lexislación sobre o tema (1976) e a sinatura oficial da Convención Europea para a Salvagarda dos Dereitos Humanos (1977), restableceron a liberdade de reunión. A Constitución de 1978 recoñece o dereito de reunión pacífica e sen armas.

3. s f [MAT]

   Dados dous ou máis conxuntos, conxunto formado polos elementos que, polo menos, pertencen a un dos conxuntos considerados. Fálase entón de conxunto reunión destes conxuntos.

Refráns

• Concello, de mañá; e auga, de tarde.