revista

1. 1. s f

      Inspección que un xefe fai das persoas ou cousas sometidas á súa autoridade ou ao seu coidado.

   2. revista anual [BÉL]

      Presentación periódica que teñen que facer os reservistas do servizo militar nalgunha das dependencias autorizadas e que é a base para a formación e actualización do censo de persoal mobilizable.

   3. revista de comisario [BÉL]

      Revista que antigamente se lle pasaba ás tropas de mercenarios ou ás unidades de guerra para comprobar o número de soldados ou para asignarlles os cartos polos gastos correspondentes. Despois reduciuse a un trámite administrativo, realizado nos primeiros días de cada mes e no que se baseaba a nómina mensual.

2. s f

   1. Publicación periódica de formato máis pequeno ca un diario pero de maior número de páxinas, mellor calidade de papel e normalmente con abundantes ilustracións.

   2. Sección en que se dá unha noticia extractada de diferentes sucesos ou comentarios relacionados cun tema ou coa actualidade.

3. s f

   Espectáculo teatral composto de diversos números de variedades, canto e baile, normalmente cun mínimo argumento que serve de enlace entre os diferentes cadros e que recolle humoristicamente alusións a temas de actualidade.

4. s f
   1. [DER]

      Novo xuízo criminal perante un novo xurado, celebrado cando se aprecia un erro evidente ou unha deficiencia grave non corrixida no veredicto do primeiro xuízo.

   2. [HIST/DER]

      Segunda vista dun preito, celebrada noutra sala do mesmo tribunal.

Frases feitas

• Pasar revista. 1 Exercer un xefe militar as funcións de inspección que lle corresponden sobre as tropas. 2 Presentarse alguén nun lugar para que sexa comprobada a súa presenza.