Reynolds, Joshua

Pintor inglés. En Italia (1750-1752) buscou o estilo dos pintores boloñeses e romanos dos ss XVI e XVII e recibiu a influencia da obra de Miguel Anxo. En Flandres e Holanda (1781) foi influído pola pintura do s XVII, especialmente pola de P. P. Rubens (Lord Heathfield, 1787). Destacou como retratista e foi pintor do rei e o primeiro presidente da Royal Academy of Arts (1768), polo que recibiu o tratamento de sir. Das súas obras destacan os retratos Nelly O’Brien (1763), Dr. Johnson (1772) e Francis George Hare Infant (1788). Os seus Discours, pronunciados na Royal Academy of Arts (1769-1790), foron publicados en 1796.

Cronoloxía