Rienzo, Cola di

Tribuno de Roma. Notario e grande orador, aspirou a reconstruír o Imperio Romano, limitado a Italia e centrado en Roma. Notario da Cámara municipal por nomeamento do papa (1344), aproveitou o descontento popular para asumir o poder como tribuno do pobo o domingo de Pentecoste de 1347. Aínda que o Papa Clemente VI, señor de Roma, recoñeceu nun principio a nova situación, non tardou en alarmarse, destituílo e excomungalo. Tivo que abandonar Roma o mesmo ano de 1347, e refuxiouse preto do Emperador Carlos IV en Praga (1350), aínda que este o entregou ao papa en 1352. En Aviñón recuperou o favor papal e foi nomeado senador en Roma (1354). Gobernou a cidade durante catro meses, pero algúns excesos na administración de xustiza fixéronlle perder o favor popular e foi asasinado.

Cronoloxía