roedor -ra

Relativo ou pertencente aos roedores.

Mamífero da orde dos roedores.

Orde de mamíferos placentarios, xeralmente pequenos, de forma variable pero pouco esvelta (a parte abdominal é sempre máis ampla ca parte ventral a causa do especial desenvolvemento da masa visceral) e patas pouco diferenciadas do corpo. A morfoloxía específica do corpo e das patas, a dentadura, as orellas, os ollos e a cola depende dos diferentes hábitats nos que habitan: subterráneo, acuático, arborícola, estépico ou desértico, e corredor. Teñen a vista e o oído xeralmente moi desenvolvidos. A xestación é curta e teñen gran número de crías. Son de réxime alimentario herbívoro ou omnívoro, e habitan nos máis variados hábitats, segundo as especies. A súa importancia biolóxica, económica e sanitaria (como transmisores de numerosas enfermidades infecciosas) é enorme. A maioría son sociais.