Roskilde

Capital do amt homónimo, en Sjaelland, Dinamarca (52.991 h [estim 2001]). Está situada no fondo dun fiorde, a 30 km ao SO de Copenhaguen, e é un importante centro industrial. Capital de Dinamarca desde finais do s X ata 1443 e sé do bispado de Sjaelland ata 1536, alí foi asinada a Paz de Roskilde, entre Federico III de Dinamarca e Carlos X de Suecia (26 de febreiro de 1658), que acabou a guerra iniciada entre eles o ano anterior.