Revista del Centro Gallego

Publicación editada en Montevideo a partir do 12 de outubro de 1917. Editada polo Centro Galego de Montevideo, inicialmente e ata agosto de 1925 levou a cabeceira de Centro Gallego. Subtitulada “Órgano de la Colectividad Gallega en el Uruguay”, durante a década de 1920 foi dirixida por Constantino Sánchez Mosquera. Recolleu colaboracións de intelectuais galegos e mantivo unha sección permanente de información sobre Galicia, que incluíu colaboracións literarias e ensaios. A partir de agosto de 1929 cambiou a súa cabeceira por Galicia “Revista del Centro Gallego”, de periodicidade irregular. En 1944, dirixido por Xoán M. Castro e coa cabeceira orixinal, volveu publicarse un número especial con motivo do 65 aniversario do Centro.