Sabellaria

Xénero de anélidos poliquetos da familia dos sabeláridos. Son sedentarios co corpo dividido en tres rexións, con numerosas branquias cirriformes, e cun gran número de segmentos. Non teñen penacho branquial terminal pero si opérculo formado por dous grosos pedúnculos. Constitúen tubos areosos, a miúdo reunidos en grupos numerosos. En Galicia pódese atopar a especie S. alveolata, que vive en tubos feitos de gran de area, na zona mesolitoral media rochosa.