saco

1. s m

   1. Recipiente de diversos materiais flexibles, xeralmente con forma rectangular, que ten unha abertura na súa parte superior e que serve para gardar cousas.

   2. Contido dese recipiente e medida que representa.

2. s m [HIST]

   estido de roupa basta, semellante a un saco, que se poñía na antiga Roma en tempo de guerra.

3. [BOT]
   1. s m

      Cavidade orgánica que presenta forma rectangular e ten unha abertura nun dos seus lados.

   2. saco embrional

      Corpúsculo de figura elipsoidal que nas anxiospermas está situado no interior da nucela. Corresponde ao gametófito feminino e é homólogo sucesivamente da macróspora e do prótalo dos pteridófitos heterosporos.

   3. saco polínico

      Cada unha das dúas cavidades dunha teca nas que se forman os grans de polen a partir do arquesporio.

4. [ZOOL]
   1. s m

      Estrutura do corpo dos animais con forma semellante a un saco.

   2. saco aéreo

      Cada unha das cámaras de paredes finas que teñen as aves nas vísceras e no interior dos ósos. O seu papel é esencialmente respiratorio, e ademais facilitan o voo ao reducir a densidade do animal. Tamén presentan sacos aéreos algúns réptiles, pero neste caso teñen unha función defensiva, pois ao encherse de auga aumentan o volume do animal.

   3. saco lacrimal

      Depósito membranoso, situado no costado interno da base da órbita, que contén lágrimas achegadas polos condutos lacrimais onde desembocan.

   4. saco visceral

      Parte ou rexión dos corpos dos moluscos, situada en posición dorsal, que pode adoptar forma cónica ou experimentar unha torsión enrolándose en espiral, nos gastrópodos. O saco visceral, que está protexido pola cuncha cando o molusco a ten, contén a maior parte das vísceras.

   5. saco vitelino

      Bolsa do interior do ovo que contén o vitelo necesario para a nutrición do embrión.

5. saco de durmir

   Tipo de saco acolchado utilizado para durmir en tenda de campaña ou á intemperie.

Frases feitas

• Caer en saco roto. Esquecerse algo, non ser tido en conta ou aproveitado.

• Ser fariña doutro saco. Ser algo moi diferente.

• Meter no mesmo saco. Mesturar.

Refráns

• Fol sacudido non entra no muíño.
• Fol sobado máis fariña leva.
• O saco redondo leva tanto coma o langa.