Saint Louis

Cidade do estado de Missouri, EE UU, situada á beira do Mississippi, 16 km augas abaixo da confluencia co Missouri (348.189 h [2000]). É un centro de comunicacións de primeira orde, situada na intersección de vías férreas e estradas principais, e o seu porto é un dos de máis tráfico fluvial do país. Destaca a industria aeronáutica e automobilística, a de material ferroviario, química, alimentaria, téxtil e de fabricación de compoñentes electrónicos.