Saint-Laurent, Yves

Modisto. Director artístico da casa Dior, en 1962 abriu a súa propia casa de modas e iniciou a creación do prêt-à-porter (1966). Nesta década realizou creacións inspiradas en Pieter C. Mondriaan. Pioneiro do pantalón xastre (1968) e da maxisaia (1970), volveu ás formas clásicas fronte ás modas avanzadas da década de 1960. As súas creacións posteriores teñen inspiracións retroactivas ou exóticas. Deseñou vestiario para ballet, teatro e cine, ademais de accesorios e complementos de moda. Anunciou a súa retirada en 2002 cun desfile retrospectivo no centro Georges Pompidou de París.

Cronoloxía