Samaria

Antiga cidade de Palestina, fundada por Omrí (870 a C), e capital do Reino de Israel en substitución de Tirsah. Situada no centro do antigo reino, alzábase sobre a montaña homónima, excelente atalaia estratéxica. Destruída por Salmanasar V (ou Sargón II) no 722 a C, os seus habitantes foron deportados a Asiria e substituídos por colonos asirios. Conquistada polos babilonios (s VII a C) e polos persas (s V a C), coa conquista de Alexandre o Grande (s IV a C), os gregos estableceron unha colonia. Destruída por Xoán Hircano I (104 a C), Herodes reconstruíuna coa forma dunha típica cidade romana. Destruída polos persas (614) e conquistada polos árabes (634) e polos croatas (1165), a cidade, abandonada e en ruínas, cedeu o seu lugar a Neápolis (Nābulus). A actual Sabas ṭ īyah musulmá levántase sobre unha pequena zona ao L da antiga cidade.