Sanclemente Torquemada, Juan de

Eclesiástico. Formouse na Universidad de Alcalá, en Sigüenza e Valladolid. Foi bispo de Ourense (1578-1587) e arcebispo de Santiago de Compostela (1587-1602). Na sé compostelá fundou a residencia das Orfas, escolas de ensino primario, unha cátedra de teoloxía moral no colexio dos xesuítas e un colexio de teoloxía. Realizou diversas obras na cidade como a urbanización da praza do Paraíso (hoxe praza da Acibechería). Ao redor de 1600 reorganizou o Tribunal da Inquisición. Por mor da invasión de F. Drake, escondeu as reliquias da catedral compostelá nun lugar que non foi atopado ata 1879.

Cronoloxía