sancosmeiro

Sombreiro de palla do traxe tradicional feminino de faena que se emprega para protexerse do sol e da chuvia durante o traballo. Documentado xa no s XVI, toma o nome do seu lugar de orixe, a parroquia de San Cosme de Outeiro (Outes), na comarca de Noia, aínda que o seu uso se estende polas comarcas limítrofes (Muros, A Barcala, Santiago de Compostela). Está feito de palla de centeo trenzada de á ancha, copa baixa e pequena e unha tira de tea negra que rodea a parte cilíndrica. Na parte traseira caen sobre a á dúas tiras da mesma tea que rematan en dúas puntas.