saneamento

Acción e efecto de sanear.

Control das condicións ambientais durante a produción, transformación, envasado, acondicionamento e consumo dos alimentos, para evitar contaminacións biolóxicas ou impurezas químicas.

Obrigación legal de carácter dispositivo que ten o vendedor de garantir ao comprador a posesión pacífica da cousa alienada (saneamento por evición) e a inexistencia de gravames ou defectos ocultos na cousa aínda que os ignore (saneamento por gravames ou vicios ocultos).

Conxunto de medidas técnicas, organizativas e financeiras para reconstruír as bases eficientes dunha empresa que se atopa nunha situación crítica, coa intención de mantela e salvar os postos de traballo.