Santo Ourente de Entíns

Igrexa parroquial situada en Outes. Construída no s XVIII, conserva no seu interior os restos de san Campio traídos desde Roma en 1774 á igrexa de Santa María a Real ou Santa Tasia de Outes. Venéranse nunha furna de 1801 situada no altar maior, sobre a que aparece unha imaxe do santo. Ten planta de cruz latina e cuberta abovedada con cúpula no cruceiro. No interior destacan o retablo maior (1796), obra de Xosé Ferreiro, do que só se conserva a imaxe de santo Ourente. O escultor noiés tamén realizou os retablos da Nosa Señora do Rosario, san Francisco Xavier e a Soidade. No exterior, destacan a escalinata, a torre de tres corpos coroados por unha cruz e o adro. Celébranse dúas festas, o primeiro domingo de xullo e a romaría do 29 de setembro.