secundario -ria

(

adx
Que ocupa o segundo lugar nunha orde ou escala establecida.
adx
Que ocupa un segundo lugar en importancia.
adx [ASTRON]
Planeta que xira arredor doutro principal ao que acompaña na súa revolución arredor do Sol.
adx e s m [TECNOL/FÍS]
Aplícase ao enrolamento dun transformador onde é xerada a corrente que fornece a potencia ao circuíto de utilización.
adx [ESTRATIG]
Relativo ou pertencente ao Secundario ou Mesozoico.
[QUÍM]
1. Aplícase aos átomos de carbono saturados que, no seo dunha molécula orgánica, están unidos a dous átomos de carbono.
2. Aplícase a algúns grupos funcionais, como o hidroxilo, cando se atopan unidos a un carbono secundario.
3. Aplícase ao tipo de amina no que existe un grupo -NH- unido a dúas cadeas carbonadas ou ben a unha cadea cíclica.
grupo secundario [LING]
Grupo consonántico producido nas últimas etapas da evolución do latín por perda dunha vogal intermedia.

Ex: lat OCŬLUM > oc’lum.

Palabras veciñas