Sedan

Cidade situada no departamento de Ardenas, Champagne-Ardenas, Francia (20.548 h [1999]). Situada na beira dereita do río Mosa, é un tradicional centro téxtil de la. Durante a Guerra Franco-prusiana, foi escenario da Batalla de Sedan (1870), entre as tropas prusianas do xeneral Moltke e o exército francés do xeneral Mac Mahon. A derrota francesa e o aprisionamento de Napoleón III significou a fin do Segundo Imperio e a proclamación da Terceira República Francesa (4 de setembro).