seguir

1. v t

   Ir detrás dunha persoa, animal ou cousa.

   Ex: Séguenos un coche de policía. Seguiuno ata o teatro.

   Confrontacións: perseguir.
2. v t

   Acompañar ou ir con alguén.

   Ex: Seguireina ata a fin do mundo.

3. v t

   Continuar ou volver comezar.

   Ex: O meu fillo seguirá o meu traballo.

4. v t

   Dirixirse ou ir por un lugar.

   Ex: Segue o camiño de baldosas amarelas.

5. v t

   Ter ou tomar algo ou a alguén como modelo, referencia ou guía.

   Ex: Segue o estilo da súa nai.

6. v t

   Comprender algo ou a alguén que se observa ou escoita.

   Ex: É doado seguir o profesor nas clases.

7. v t

   Presenciar ou ver.

   Ex: Seguimos os fogos desde a praia.

8. v t

   Manterse informado sobre algo ou alguén que interesa.

   Ex: Sigo as noticias dos últimos días.

9. v t

   Adaptar os movementos a algo.

   Ex: Segue os pasos coa música.

10. v t

    Acompañar coa ollada os movementos de alguén ou dalgunha cousa.

    Ex: Seguiuno coa ollada ata que chegou a casa.

11. v t

    er as distintas partes que forman unha secuencia.

    Ex: Seguín a película a partir do descanso.

12. v t

    Ler unha partitura mentres se interpreta.

    Ex: Os alumnos de piano seguían moi ben as partituras no concerto.

13. v i

    ir, ir ou estar unha cousa ou unha persoa a continuación doutra.

    Ex: O barco que lle segue é o meu. Séguelle o fillo cun triciclo.

    Sinónimos: suceder. Antónimos: anteceder, preceder.
14. v i

    Estar aínda nunha situación ou realizando unha actividade.

    Ex: Segue xogando no mesmo club.

    Sinónimos: continuar.

Frases feitas

• A seguir. Inmediatamente despois.

• Seguir + a + infinitivo/Seguir + xerundio. Perífrase que indica a continuación dun proceso.

• Seguirlle a corrente a alguén. Aparentar que se está de acordo con todo o que di alguén.