Seixas

Liñaxe de orixe galega que trae por armas, en campo de goles, cinco pombas de prata, pousadas e colocadas en aspa. Outra trae, en campo de azul, seis pombas de prata, colocadas en dous paus de tres. Outra, en campo de prata, tres pombas de goles, mal ordenadas. Outra, en campo de goles, un azor da súa cor, cun cascabel de prata colgado do colo, sostido dun penedo da súa cor, en punta. Presenta a variante castelanizada Seijas.