Temas
Liñaxe de orixe galega que trae por armas, en campo de goles, un castelo de prata, sumada á torre da homenaxe dun busto de mouro cunha pedra entre as mans, e resaltada a porta dun guerreiro armado, cunha lanza na man destra e embrazado o brazo sinistro dunha rodela, levantada como para protexerse da pedra que vai tirar o mouro.
Liñaxe de orixe galega que trae por armas escudo axadrezado de ouro e goles, de corenta e dúas pezas (6x7). Outro, escudo axadrezado de ouro e azul, de corenta e dúas pezas; bordo de ouro, cheo. Outro, escudo partido: 1, de azul, cun león de prata; 2, axadrezado de 21 pezas de prata e goles (3x7).
Liñaxe de orixe galega que trae por armas, en campo de goles, cinco pombas de prata, pousadas e colocadas en aspa. Outra trae, en campo de azul, seis pombas de prata, colocadas en dous paus de tres. Outra, en campo de prata, tres pombas de goles, mal ordenadas. Outra, en campo de goles, un azor da súa cor, cun cascabel de prata colgado do colo, sostido dun penedo da súa cor, en punta. Presenta a variante castelanizada Seijas.
Liñaxe de orixe galega que trae por armas en escudo cuarteado en cruz: primeira e cuarta partición, en campo de prata, con tres paus de sable; segunda e terceira, axadrezado de sable e prata de dezaseis pezas (4 x 4).
Liñaxe de orixe galega que trae por armas en escudo partido: primeira partición, en campo de ouro, un león rampante de goles, que leva un ramo de loureiro na súa garra destra; segunda partición, en campo de prata, un monte de penedos dos que sae unha serpe coa cabeza mirando á destra; bordo de goles, cargado de oito aspas de ouro.
