Temas

Liñaxe de orixe galega que trae por armas, en campo de sinople, dúas torres de prata, colocadas en faixa, unidas cunha cadea, sumadas dunha aguia de ouro, que apoia unha pouta en cada unha das torres. Outra trae, en campo de goles, dúas torres de ouro, sostidas dunha terraza de sinople, sumada cada unha dunha pomba de prata, afrontadas e que pican nun saleiro de prata en forma de copa, colocado entre as dúas torres. Outra, en campo de sinople, unha pomba de ouro, surmontada dunha campá do mesmo.

Liñaxe de orixe galega que trae por armas, en campo de goles, unha cruz de ouro, cargada en abismo dunha estrela de azul de oito raios; bordo de ouro, cargado de oito aspas de sinople. Outro trae, en campo de goles, unha estrela de azul, con perfil de prata; bordo de prata, cargado de oito aspas de sinople.

Liñaxe de orixe galega que trae por armas, en campo de sinople, un brazo nu, de carnación, nacente do flanco sinistro, que empuña unha fouce de prata, coa folla da que corta pola gorxa unha cabeza de mouro co seu turbante; na punta tres cabezas de mouro, tamén con turbante, degoladas e colocadas en faixa.

Liñaxe de orixe galega que trae por armas, en campo de azul, un piñeiro de sinople, perfilado de ouro, resaltado o tronco cunha tenreira da súa cor cunha manta de prata no lombo.

Liñaxe de orixe galega que trae como armas, en campo de goles, dous caldeiros de sable, postos en pau, deitado de dúas flores de lis, de ouro, unha en cada lado.

Liñaxe de orixe galega que trae por armas, escudo partido: 1, de ouro, cunha árbore de sinople acompañada de cinco lanzas de prata apoiadas no tronco, tres no flanco destro e dúas no sinistro; 2, de sinople, cun castelo de prata sumado dunha aguia da súa cor. Outro trae, en campo de sinople, dúas torres de prata, colocadas en faixa, sinistradas de cadanseu oso, ergueito, do mesmo, atados á porta cunha cadea. Outra, en campo de goles, un escudiño de azul, en abismo, cargado dun castelo de prata, e acompañado de catro leóns de prata colocados un en xefe, outro en punta e un en cada flanco. Outro, en campo de azul, dúas estrelas de prata de oito raios, colocadas en faixa. Outro, en campo de azul, tres gaivotas de prata, voando, colocadas en faixa.

Liñaxe da nobreza italiana que gobernou nos ducados de Ferrara, Modena e Reggio e o condado de Rovigo. O seu fundador, Alberto Azzo II , marqués e señor de Este, señor de Rovigo e conde de Lumigiana, fixou a súa residencia no castelo de Este. Obizzo I d’Este estendeu o seu dominio sobre Ferrara, que se converteu no seu centro político. Entre outros membros destacan Nicolò II (1384-1388), protector de F. Petrarca e fundador da universidade de Ferrara; Nicolò III (1384-1441) protector do humanista Guarino de Verona; Beatriz de Este (1475-1497), beata, converteu Milán nunha das cortes máis importantes de Europa e contratou a Leonardo da Vinci, D. Bramante e Rafael; Isabella d’Este foi protectora de Rafael e Ippolito...

Liñaxe de orixe galega que trae por armas, en campo de sinople, doce estrelas de ouro de oito raios, colocadas en orla.

Liñaxe de orixe galega que trae por armas, en campo de ouro, unha estrela de goles, de oito raios. Outro trae, en campo de ouro, cinco estrelas de goles, de seis raios. Outro, en campo de ouro, cinco estrelas de seis puntas, de goles; bordo de prata, cargado de catro chaves de azul, colocadas unha en xefe, outra en punta, e unha en cada flanco, que alternan con catro rosas heráldicas de goles, unha en cada cantón. Outro, en campo de ouro, cinco estrelas de goles, de seis raios, colocadas en aspa, acompañadas de catro chaves de azul colocadas que alternan coas estrelas, unha en xefe, outra na punta e unha en cada flanco.

Liñaxe de orixe galega que trae por armas, en campo de goles, trece estrelas de prata, de oito raios, colocadas en tres paus de catro, cinco e catro. Outra trae, en campo de ouro, trece estrelas de goles, colocadas en tres paus de catro, cinco e catro.