Seminario di Cultura Gagliega

Seminario creado en 1977 na Università degli Studi di Perugia como iniciativa do profesor Paolo Cauci von Saucken para manter un contacto máis concreto coa realidade cultural galega. Os cursos, teses, seminarios, conferencias e demais eventos que se realizaron no seu ámbito mostran a amplitude do seu campo de actuación (lingua e literatura galegas e a temática xacobea). Das publicacións que saíron destes estudos, destacan La Via gagliega al fantastico: (dai Romantici a Cunqueiro) (1981), de Gianni Ferracuti, Don Ramón del Valle-Inclán tra la letteratura e luoghi natali (1982), de Daniella Gambini, Il galego (1984) tradución de Giovanna Scalia Rössler sobre un texto de Constantino García González, Introduzione alla linguistica galega (1986) de Daniella Gambini, e Cousas e Retrincos (1987), tradución de Isabel González da obra de Afonso Daniel Rodríguez Castelao.