Senecio

Xénero de plantas herbáceas ou subarbustivas, da familia das asteráceas, de follas enteiras, crenadas, pinnatífidas ou pinnatisectas, con flores amarelas en capítulos, as periféricas xeralmente liguladas, e froito en aquenio provisto de vilano. En Galicia as especies máis coñecidas son S. jacobea (herba de Santiago), S. vulgaris (herba cana), S. mikanoides, procedente de África e que florece entre Nadal e xaneiro, S. nemorensis e S. aquaticus, que habitan en bosques húmidos e florecen principalmente no verán e S. sylvaticus e S. lividus, que florecen entre abril e outubro, pero a última especie só en zonas baixas.