separación

Acción e efecto de separar ou separarse.

Suspensión da vida conxugal sen ruptura do vínculo, denominada tamén divorcio imperfecto ou non vincular. Unha vez declarada, impide volver a contraer matrimonio. A acción procesual é demandada persoalmente pola parte prexudicada aos tribunais eclesiásticos diocesanos (Primeira Instancia), metropolitanos (Segunda Instancia) ou ao Tribunal da Rota Romana. O Código Civil admítea cando a demandan conxuntamente os dous cónxuxes; un só co consentimento do outro, ou nos casos de abandono inxustificado do fogar, infidelidade conxugal, violación grave e reiterada dos deberes conxugais ou cara aos fillos, por alcoholismo, toxicomanía ou perturbación mental; e condena en sentenza firme por atentado contra a vida do cónxuxe ou dos seus descendentes ou ascendentes.

Réxime económico matrimonial en que cada cónxuxe conserva a propiedade de todos os seus bens, así como a administración e o gozo dos mesmos con total independencia.

Declaración formal perante notario ou xuíz pola que o apoderado cesa nas súas funcións á aquela persoa que o representa.

Pena aplicable a membros do exército que consiste no despedimento e na privación do seu cargo por sentenza de consello de guerra. De carácter permanente, só permite a rehabilitación en virtude dunha lei.

Sanción disciplinaria dun funcionario público por causa de falta moi grave que comporta a perda da condición funcionarial.