singnátido -da

Relativo ou pertencente aos singnátidos.

Peixe da familia dos singnátidos.

Familia de peixes, da orde dos singnatiformes, cun corpo moi longo e cuberto de placas óseas dispostas en aneis formando a coiraza, cola provista ou non de aleta e eventualmente prénsil, unha soa aleta dorsal con raios brandos que move o corpo, aletas peitorais pequenas ou sen elas, e ollos moi móbiles. Habitan polo xeral en bosques de algas e é o cabaliño de mar un dos seus representantes máis característicos.