Slesvig-Holstein, ducado de

Título, correspondente á unión dos ducados de Slesvig e de Holstein, que levaron todos os reis de Dinamarca desde Cristián I (1460) ata Federico VII (1863). Da casa ducal de Slesvig-Holstein saíron diferentes liñas ducais. O duque Adolfo I de Holstein-Gottorp (?-1586). O duque Federico III de Holstein-Gottorp (?-1659) declarouse independente de Dinamarca. Del descenden Adolfo Federico de Holstein-Gottorp (quen en 1571 se converteu no Rei Adolfo Federico II de Suecia e orixinou a dinastía dos Wasa-Holstein-Gottorp, que reinou ata 1814), Federico Augusto de Holstein-Gottorp (?-1785), que formou a rama dos grandes duques soberanos de Oldenburg e o duque Carlos Pedro Ulrico I de Holstein-Gottorp (?-1762), que en 1762 se converteu no Tsar Pedro III de Rusia. A liña de Slesvig-Holstein-Sonderburg orixinouse en 1582 co duque Xoán I de Slesvig-Holstein-Sonderburg o Novo (?-1622), irmán do Rei Federico II e o duque Alexandre I de Slesvig-Holstein-Sonderburg (?-1627). Dividiu os seus estados entre os fillos, que orixinaron catro ramas: a rama de Slesvig-Holstein-Sonderburgo-Franzhagen, extinguida en 1709; a rama de Slesvig-Holstein-Sonderburgo-Augustenbrug, que desde 1863 pasou a se denominar liña de Slesvig-Holstein e se acabou por extinguir en 1931; a rama de Slesvig-Holstein-Sonderburg-Glücksburg, que aínda sobrevive; e a rama de Slesvig-Holstein-Sonderburg-Weissenburg, que se extinguiu en 1744. Un fillo terceiro do duque Guillerme I Slesvig-Holstein-Sonderburg-Gñucksburg (?-1831), o príncipe Cristián converteuse en 1863 no xefe da actual dinastía real danesa e reinou co nome de Cristián IX de Dinamarca. Un dos seus fillos reinou en Grecia co nome de Xurxo I.