sodomía

Práctica do coito anal, especialmente entre homes.

Homosexualidade masculina. A Igrexa condenou esta práctica e a condena foi incorporada á lexislación civil romana despois de Constantino I o Grande. Os castigos medievais ían desde a castración pública, co penduramento polos pés ata a morte, ata a pena da fogueira. O primeiro Código Penal de España (1822) non nomea a práctica, pero a xurisprudencia do Tribunal Supremo castigouna a través dos delitos de escándalo público, corrupción de menores e abusos deshonestos. Coa reforma do Código Penal de 1983 quedou abolida como figura de delito.