Somoza Gutiérrez, Alfredo

(A Coruña 8.4.1892 - Montevideo 29.10.1951) Galeguista. Participou na fundación de Xuventudes Galeguistas e as Irmandades da Fala. Pertenceu á ORGA e participou no Pacto de Lestrobe (1930). Foi concelleiro da Coruña pola FRG (1931), presidente da Deputación da Coruña (1931-1932) e deputado pola Coruña por Izquierda Republicana (1936). A Guerra Civil obrigouno a permanecer oculto durante once anos. En 1947 fuxiu a París para logo instalarse en Montevideo, onde promoveu a audición radial Sempre en Galicia (1951) e colaborou no xornal Lealtad.