Stuttgart

Capital do land de Baden--Württemberg, Alemaña (582.443 h [2000]). É un porto fluvial á esquerda do Neckar, que na súa expansión anexou Bad Cannstatt, na outra beira do río. Destaca como gran centro de industrias mecánicas, do automóbil (Mercedes), de aparellos de precisión, ópticas, de instrumentos musicais, de industria téxtil e química e ten refinaría de petróleo. Documentada desde 1229, foi cidade (1286), sede dos condes de Würtemberg (s XIV) e capital do ducado (s XVI).