supresor -ra

Que ou quen suprime.

Aplícase ao xene que enmascara a manifestación fenotípica doutro.

Sistema deseñado para minimizar o ruído producido polas cintas magnéticas, as bandas sonoras, os fonocaptores, os equipos de radiodifusión e outros. Clasifícanse en non complementarios, que tratan o sinal só na reprodución, e complementarios, que se basean na compresión-expansión da dinámica do sinal e actúan separando do sinal total a fracción correspondente ás oscilacións de baixa amplitude que, amplificada, se engade ao sinal orixinal.

Reixa auxiliar que está situada entre dous eléctrodos positivos de certos tubos electrónicos, como o péntodo, que reduce o fluxo de electróns secundarios dun eléctrodo a outro.