Sydney

Capital do estado de Novo Gales do Sur, Australia (3.997.321 h [2001]). Situada a ambas as dúas beiras da baía de Port Jackson (esteiro do río Parramatta), constitúe o mellor porto do país. A cidade experimentou un gran crecemento a partir de 1900, grazas á emigración. Ten estaleiros, industrias metalúrxicas, téxtiles, aeronáuticas, de automóbiles, químicas, petroquímicas e alimentarias. Fundada en 1778 como colonia penal británica, foi sede dos Xogos Olímpicos de 2000. Do seu patrimonio destaca especialmente o Sydney Opera House, de Jorn Utzon, e a ponte do porto, de 500 m de longo.