Tamerlán

Soberano da Transoxiana (1370-1405). De nome Tīmūr Lang, pertenceu a unha familia nobre turcomá e conseguiu facerse cargo de toda a Transoxiana, onde encabezou, autoproclamándose herdeiro e continuador do imperio de Xenguis Khan, a dinastía timúrida. O seu dominio estendeuse a Corasmia (toma de Urgueuč, 1379), Persia (1380-1387), Acerbaixán (1385-1386) e ao reino cristián de Xeorxia (1387). Aniquilou aos seus parentes do Imperio da Horda de Oro ao anexarse todo o territorio comprendido entre o Mar Caspio e o Mar Negro. Enfrontado cos mamelucos de Siria, devastou Alepo e Damasco (1400-1401), despois da destrución de Bagdad (1401) e de diversas poboacións de Iraq. Derrotou tamén e aprisionou, preto de Ancara, ao sultan otomán Baiaceto I en 1402. Morreu cando iniciaba a conquista de China. O seu imperio, apoiado na súa forte personalidade, desapareceu pouco despois da súa morte.

Cronoloxía