tecnoloxía

Ciencia que estuda os procesos industriais utilizando os métodos da ciencia e da enxeñaría. Comprende a descrición e a crítica dos procedementos industriais, recolle a historia dos seus progresos e investiga as melloras e os avances dos que son susceptibles estes procedementos.

Conxunto dos coñecementos propios dunha arte industrial ou dun oficio mecánico.

Parte da bromatoloxía que sistematiza os coñecementos e as prácticas relativos aos procesos industriais de obtención, transformación, estabilización e condicionamento de alimentos. É unha disciplina relativamente recente, a pesar de que moitas operacións de tecnoloxía de alimentos (moenda, panificación, obtención de cervexa ou desecamento de carne e peixe) son moi antigas.