Tempo Exterior

Revista que apareceu en Baiona a partir de xuño de 1997. Editada polo Instituto Galego de Análise e Documentación Internacional (IGADI), subtitulouse “O correo do IGADI” e tivo periodicidade trimestral. En decembro de 2000 comezou unha segunda época baixo a dirección de Xulio Ríos e co subtítulo de “Revista de análise e estudios internacionais”. Dedicada á divulgación das tendencias internacionais, prestou especial atención á vertebración dun pensamento exterior propio de Galicia.