Tiempo, El

Xornal fundado en Bogotá o 30 de xaneiro de 1911 por Alfonso Villegas Restrepo. En 1913 pasou a mans da familia Santos, a través de Eduardo Santos Montejo. En 1917 a dirección pasou ao irmán de Eduardo, Enrique, quen levou adiante a súa modernización e o converteu no primeiro xornal de Colombia. Defensor das liberdades e da democracia, caracterizouse pola súa loita contra o narcotráfico, polo que foi obxectivo de numerosos atentados.