Tomé/Tomasa

Antropónimo que procede do latín eclesiástico Thomas -ae, que reproduce o grego neotestamentario Thomâs. A terminación -é do galego provén posiblemente dun antigo xenitivo. A forma masculina Tomé é a tradicional galega. O nome é semítico e explícao o Evanxeo: Tomé, o chamado Xemelgo (Xoán 11,16). Moitas veces os hebreos que vivían no estranxeiro levaban dous nomes e o segundo era a tradución do primeiro (Thomâs é a transliteración do arameo t’ômâ’, do hebreo tô’am.m ‘xemelgos’ e do árabe tau’am, tu’âm ‘xemelgo’).