Tübingen

Cidade situada no land de Baden-Württemberg, Alemaña, na ribeira esquerda do Neckar (79.400 h [1990]). Ten industrias metalúrxicas, mecánicas, electrónicas, téxtiles, do cemento e da madeira. Fortaleza a finais do s XI e sede dunha familia de condes palatinos de Suabia (s XII), en 1342 pasou aos duques de Württemberg e gozou dun gran florecemento cultural. En 1477 fundouse a universidade, que se converteu nun centro luterano ao adoptar a cidade á Reforma (1534). Destacan a igrexa de Sankt Georg (1470-1483), de estilo gótico tardío.